اللي خلاني أحبك قادر يخليني أنساك ..

رسمتك في عيني شي يفوق الوصف

شي أقرب للخيال شي صعب إني اقوله

كنت آحس نفسي كسبت اللي غيري ما يطوله


كنت دايم أغني .. يحلمون يحلمون الي فيك يفكرون..

كنت أردد ( لولا الحب مالتف الغصن على الغصن ولا كانت الحياهـ )


.. بس دايم كل نفس تشتهي


لكن المكتوب غير اللي تبي ..


( تنصدم بللي تشوفه )


كنت أعرف اللي يحب يبان حبه بالمواقف


.. يعطي بليا حدود ..


بس أنا شفت النقيض ]:


( .. ماطلبتك مستحيل .. )


:[ كان كل اللي أبيه ألقى فيك اللي أبي

أن تعبت ألقى المداوي وأن سهرت ألقى اللي يحاتي وأن


طلبت ألقى مجيب ..


كنت دايم لك أردد ( المرأءهـ تحتاج للي يتفهمها قبل حاجتها للي يفهمه )



.. ما ألومك أنت والله ما ألومك كل لومي لقلب طاهر



ماعرف وشلون يتعامل مع أشباهـ الرجال ..


قلب قاسي قمه انواع التناقض


برغم هذا ( كنت قمه بالسذاجه )


ليِ غلطت آدمع و آسامح


كنت أردد ( اعقل الناس اعذرهم للناس )


دايم ألقالك عذر


لأنك بعيني كبير قصدي ( كنت في عيني كبير )


.. ودايم اعطيلك فرص

مره .. ثنتين .. وثلاث


وهي هي ما تحرك فيك ساكن ]:


.. كلنا نخطي صحيح وآدم اكبرها دليل
( .. بس ماقول إلا الخطا معروف دام انه خطاء .. )

بس الأعظم انك تخطي وتلوم غيرك !!


[ بس توك لي تجي ]


توك حسيت بقيمتي ؟

يوم دريت ان مثلي صعب جداً تلتقي


.. وانت في بالك بكلمه وحده بيرجع اللي انكسر

بدمع عينك وزفره من كل قلبك بيرجع اللي انهدم ..


:[ وين حبك يوم كان دمعي يحرق وجنتي
يوم كانت عبرتي تسبق كلمتي يوم ويوم ............


( .. برغم هذا كنت اعذرك .. )


.. بس بقول بصوت عالي في النهايه


مافي غيرك كان خاسر من البدايه للنهايه ..

.. وكنت انا الرابح اكيد ايه انا الرابح اكيد

توي بس شفت الحياه بلون ثاني ..


( بطعم ثاني )


.. نظرتي كلها تفاؤل

صرت احس اني صغرت ..


.. وصرت طفل من جديد


( .. بس هذا كله صار من تركتك انت يا هذا .. )


أنت يا هذا .. أسمـــــــــــــــع !!


( مو أنا اللي أنكسر )



.. واللي خلاني أحبـــــــكـ قادر يخليني أنــســــــــى

( شخص مثلك ما يقدر )



.. مؤمن بربي الكبير



.. وهذا كل اللي أبيــــــــــــه في حياتي


( ..أرضي ربي و والديـــــــني .. )